Uppskrift: 

250 gr hveiti (tæplega 8 dl) 

2 1/2 tsk þurrger eða 25 gr pressuger

1 tsk salt

1 tsk sykur

1 msk matarolía

2 1/2 dl vel volgt vatn

1-2 dl hveiti til að hnoða upp í degið 

 

Aðferð:

Það fyrsta sem ég gerði var að setja öll þurrefnin saman í skál, þ.e.a.s hveiti, þurrger, salt og sykur saman í skál og hræra. Næst helti ég volgu vatni út í ásamt olíunni og hrærði vel með sleif. Degið fékk svo að hefast á hlýjum stað í um 15 mínútur. Að hefingu lokinni hnoðaði ég degið upp aftur og bætti smá hveiti við. Ég fékk dygga aðstoð frá aðstoðamanni mínum við að ná svo öllu deginu úr skálinni og hnoðaði það á borðinu með örlitlu af hveiti.

 

Svo mótaði ég eina lengju úr deginu ásamt aðstoðarmanni mínum. Að því loknu skipti ég deginu í tvo jafn stóra hluta, leyfði þeim aðeins að jafna sig skar í þá grunni skurði með um það bil 5 cm millibili. Næst penslaði ég brauðin með eggi sem ég hafði þeytt örlítið með gaffli. Að lokum setti ég degið inn í miðjan ofninn við 225°C í 15 mínútur. Brauðið var virkilega gott og erum við mæðgur búnar að ákveða að þetta verður bakað aftur. Brauðið var borðað með kjötsúpu.